জোনাক গলা জাৰৰ নিশা
মূৰ থৈ শেঁতা শেতেলিত
গণি গণি আঙুলিৰ মূৰত
আছে কিমান চকুৰ পানী
সুখৰ চিকুণ মণি
মই ভাগৰা নাই...
জীৱন হেৰুওৱা নাই...।
গলি গলি প্ৰতিদিনে
পলে পলে জীৱন গলে
কতনো বিচাৰিবি কৰুণাৰ হাত
বিচাৰি ফুৰিম প্ৰতিদিন, প্ৰতিদিন
মই ভাগৰা নাই...
জীৱন হেৰুওৱা নাই...।
মৰম চেনেহ তেনেই তাকৰ
নীলিম তোমাৰ চকুৰ বাখৰ
পোহৰাবানে আহি
খিৰিকী মুখৰ সাঁজৰ তৰাটি হৈ,
তৰাটি হৈ
মই ভাগৰা নাই...
জীৱন হেৰুওৱা নাই...।
জোনাক গলা....
 |
| ড০ জুবিন গাৰ্গ |
No comments:
Post a Comment