আমি ডাঙৰৰ মুখত শুনা এষাৰ কথা মনত পৰিছে । আনৰ উন্নতি দেখিলে হিংসা কৰিব নাপায় । তেনে কৰিলে কেতিয়াবা নিজৰহে ক্ষতি হয় । পাছত এইবোৰ কথা কিতাপত পঢ়িবলৈ পালো । আমিও অহিংস দেশৰ মানুহ । মানুহক হিংসা কৰিব নাপায় বুলি জাতিৰ পিতা মহাত্মা গান্ধীয়ে কৈ গৈছিল আৰু এই অহিংস নীতিয়ে ভাৰতে স্বাধীনতা লাভ কৰাত গুৰুত্বপূৰ্ণ ভূমিকা লৈছিল বুলি পাছলৈ জানিব পাৰিছিলো । কিন্তু বিশ্বৰ বিভিন্ন প্ৰান্তত ঘটি থকা হিংসা-প্ৰতিহিংসাৰ ঘটনাবোৰৰ পৰা লাহে লাহে আমি শুনা বা পঢ়া কথাবোৰ মিছা যেনহে লগা হৈছে । এখন দেশৰ উন্নতিত অন্যখন দেশৰ পুৰণিহে দেখা গৈছে । চল-চাতুৰি কৰি অন্য দেশক বশ কৰি নিজৰ আধিপত্য বিস্তাৰৰ বাবে হয় নিজেই যুদ্ধ কৰিছে নতুবা আনৰ হতুৱাই যুদ্ধ কৰোৱা হৈছে । এনে এক বশৱতী স্বীকাৰ হৈ পাকিস্তানে ভাৰতৰ সৈতে কৰা শত্ৰুতা এক জ্বলন্ত উদাহৰণ । ঠিক তেনেকৈ ইউক্ৰেন আৰু ৰাছিয়াৰ যুদ্ধ, ইজৰাইল আৰু ইৰাণৰ যুদ্ধ, আফগানিস্তান আৰু পাকিস্তানৰ যুদ্ধ আদি ইতিহাসৰ জ্বলন্ত উদাহৰণ হৈ ৰ'ব।
যুদ্ধপ্ৰিয় ড'নাল্ড ট্ৰাম্প আৰু আমেৰিকাৰ দমন নীতিৰ বাবেই আৰম্ভ হ'বলৈ গৈ আছে তৃতীয় বিশ্বযুদ্ধ। এই তৃতীয় বিশ্বযুদ্ধৰ বাবে দায়ী হ'ব আমেৰিকা। তৃতীয় বিশ্ব যুদ্ধই হয়তো শেষ কৰি পেলাব পৃথিৱী।
No comments:
Post a Comment