শেৱালিৰ গুণবোৰ এতিয়াও যোৱাই নাই
লগতে আঘোণৰ সোণোৱালী ৰংবোৰ
আকৌ সৰিয়হ ডৰা হালধীয়া হলেই ।
সোণগুটি লক্ষিমীয়ে ভড়ালৰ ওজন বঢ়াইছে
নিগনিবোৰে এতিয়াও পথাৰৰ লেচেৰি বুটলিয়েই আছে
কুঁৱলীৰ বগা জালৰ আৰত গাওঁবোৰ ঢাকিছে ।
পূণাকনৰ লেচেৰি বেছা ধন কত থঁও কত নথঁও
হাৱাই যোৰ ফিটা সুলকি সুলকি পৰিছে
দেউবাৰে কোনোবা বোপাৰীৰ কঁপাল ফলিয়াব এইবাৰ ।
বীৰেশ্বৰ দদাই পুতেকে মেল পাতিছে
গাই প্ৰতি দুকুৰি চাণ্ডা
মেজিটো বালি নৈ পাৰতে সাজিব ।
কুল কাই দুকানত গ্ৰাহকৰ ভিৰ
কিনাতকৈ বেছা গ্ৰাহকহে বেছি
মাঘৰ বিহুৰ খৰচ্ খমখমীয়া নোটৰ ।
No comments:
Post a Comment